2024 жылғы 30 қаңтар күні Н.Байғанин атындағы  облыстық балалар кітапханасы Шәкен Аймановтың туғанына 110 жыл толуына орай «Қазақ киносының саңлағы» АRT-сағатын өткізді.

Шарада қазақ өнерінің шоқтығы биік тұлғасы, талантты актері әрі режиссері Шәкен Аймановтың өмірі мен шығармашылық жолы, театр және кино өнеріне қосқан өшпес үлесі жайында ақпарат берілді.

Шараға Тахауи Ахтанов атындағы облыстық драма театрының құрметті ардагерлері Мағзом Сәпиұлы Бақытжанов, зайыбы Шалқия Ауғанбайқызы, «BatysFilm» киностудиясының продюсері Сұлтанов Қайрат және режиссер Тлеужан Данияр қатысты. Шара қонақтары арада ұзақ жылдар өтсе де, Шәкен Аймановтың әрбір сөзі, әрбір естелігі әлі күнге бүгінгі ұрпағына өнеге екендігін және әр өнер адамы Шәкеновте бар қасиеттерді бойына дарыта білсе, бұл ел өнеріне үлкен мерей екендігін айтып өтті. Кино саласына қызығушылық танытқан оқушылар өз көкейлеріндегі сұрақтарға жауап алып, пікірлерімен бөлісті.

         Оқырмандар назарына «Кино – кітап арқылы ашылған сырлы әлем» кітап көрмесі ұсынылды. 

2023 жылғы 14 желтоқсан  күні Н.Байғанин атындағы  облыстық балалар кітапханасы  «Жасыл әлем» клубының  мүшелері мен кітапхана оқырмандары арасында ұйымдастырылған  «Адамзаттың тал бесігі табиғат» тақырыбында  эссе сайысын қорытындылады.

23.11-12.12.23 жыл аралығында өткен сайысқа Б.Момышұлы атындағы №62 ЖББОМ, М.Құрманғалиева атындағы № 32 ЖББОМ, І.Есенберлин атындағы №15ЖББОМ, Ж.Ташенов атындағы №68 ЖББОМ, Қазанғап атындағы балалар өнер мектебінің 5-сынып оқушылары қатысты.

Эссе сайысының жеңімпаздары:

І орын : Еркем Бекеева – Бауыржан Момышұлы атындағы №62 ЖББОМ Өркенқызы;

ІІ орын: Гүлдана Нысанбай – Қазанғап атындағы балалар өнер мектебі;

ІІІ орын: Әділова Жұлдызай –  Ж.Ташенов атындағы №68 ЖББОМ

Шара барысында балалар «Сен білесің бе?», «Сөздікпен жұмыс», «Сөзжұмбақ шешу» тапсырмаларын орындады.

«Жеріңді аяла, адамзат!» кітап көрмесіне библиографиялық шолу жасалды.

2023 жылғы 12 желтоқсанда Н.Байғанин  атындағы облыстық балалар кітапханасы ҚР Тәуелсіздік күніне арналған «Тарих. Тағылым. Тәуелсіздік» патриоттық кеш  ұйымдастырды.

Қазақ халқының тәуелсіздік жолындағы ерлік күресін құрметтеп, қастерлей білуге тәрбиелеу мақсатында ұйымдастырылған шарада тәуелсіздік жолының құндылығымен,  қиын өткелдерден өткен еліміздің бүгінгі жетістіктері жөнінде терең түсінік берілді. 

        Шара қонақтары «Желтоқсан алауы» қоғамдық бірлестігі мүшесі Маржанай Смағұлқызы Қалжанова және  Ақтөбе Облыстық жастар ресурстық орталығының қызметкері Заманай Қайнарұлы елдің біртұтастығы мен тыныштығын сақтау үшін жасалып жатқан игі  істер мен  ел жетістіктері туралы әңгімелеп,  оқырмандарды  саналы да, салауатты  қоғамда адалдықты ту еткен алғыр ойлы азамат болуға шақырды.

 Кітапхананың белсенді оқырмандары «Көк байрақ мәңгі бақи желбіресін!» мерекелік сазды бағдарламасын ұсынды.

2023 жылғы 12 желтоқсанда Н.Байғанин  атындағы облыстық балалар кітапханасы ҚР Тәуелсіздік күніне арналған «Тарих. Тағылым. Тәуелсіздік» патриоттық кеш  ұйымдастырды.

Қазақ халқының тәуелсіздік жолындағы ерлік күресін құрметтеп, қастерлей білуге тәрбиелеу мақсатында ұйымдастырылған шарада тәуелсіздік жолының құндылығымен,  қиын өткелдерден өткен еліміздің бүгінгі жетістіктері жөнінде терең түсінік берілді. 

        Шара қонақтары «Желтоқсан алауы» қоғамдық бірлестігі мүшесі Маржанай Смағұлқызы Қалжанова және  Ақтөбе Облыстық жастар ресурстық орталығының қызметкері Заманай Қайнарұлы елдің біртұтастығы мен тыныштығын сақтау үшін жасалып жатқан игі  істер мен  ел жетістіктері туралы әңгімелеп,  оқырмандарды  саналы да, салауатты  қоғамда адалдықты ту еткен алғыр ойлы азамат болуға шақырды.

 Кітапхананың белсенді оқырмандары «Көк байрақ мәңгі бақи желбіресін!» мерекелік сазды бағдарламасын ұсынды.

2023 жылғы 8 желтоқсан күні №13 орта мектебінде қазақ әдебиетінің классигі, Қазақстанның Мемлекеттік сыйлығының лауреаты, жазушы, драматург, сыншы, аудармашы Тахауи Ахтановтың 100 жылдығына арналған «Таңбалы тарих-таңдаулы тұлға»  тақырыбында ғылыми-практикалық конференция  өтті. Жазушының өмірі мен шығармашылығы арқылы  жас ұрпақты білімге, ілімге, әдебиетке деген құштарлығын ояту мақсатында өткен шараға Н.Байғанин атындағы облыстық балалар кітапханасы  «Шырағы сөнбеген  қаламгер» атты кітап көрмесін ұсынып, библиограф Қуаныш Гүлдана библиографиялық  шолу  жасады.  «Ақиқаттың алдаспаны» бағыты бойынша кітапхана қызметкерлері Қуаныш Гүлдана және Өтесова Гүлназ Ақтөбе қалалық «Әдістемелік кабинет» КММ директоры А.Сулейменованың  Алғыс хатымен  марапатталды.

2023 жылғы 7 желтоқсан күні Н.Байғанин атындағы  облыстық балалар кітапханасы «КітапҰstar» жобасы аясында жас ұрпақты адамгершілік қасиетке тәрбиелеуге және  сыбайлас  жемқорлыққа қарсы күреске бағытталған «Адал өмір сүру ғана адамды бақытты етеді» атты құқық  қорғау инспекторымен кездесу өткізді.

Шарада жас ұрпақ халқын, Отанын сүйетін, нағыз толыққанды тұлғаға айналу үшін жастайынан ізгілік,  мейірімділік,  адамгершілік, адалдық сияқты құнды қасиеттерді сіңіріп, өз-өзіне сенімділікті тәрбиелеудің маңыздылығын айтылды.

Шара қонағы Ақтөбе    қаласы ПБ Алматы ауданың 3 КПБ инспекторы полиция аға лейтенанты Ақбаян Абзалқызы Амин бүгінгі жас ұрпақты оқытып қана қою аз, оны жан-жақты дамыту, жаңаша дағдыларға тәбиелеу қажеттігін айтып, ақыл-кеңес берді.