8 сәуір  күні Н.Байғанин атындағы  облыстық балалар кітапханасы І.Есенберлин атындағы №15 орта мектебінде  «Позитив» салауаттылық клубының кезекті отырысы: «Мы за здоровый образ жизни!» денсаулық сағатын өткізді.

Шарада клуб мүшелерін екі топқа бөліп, ойын-сұрақтар, тапсырмалар және дене жаттығулары  арқылы жаңа ғасыр азаматы – дені сау, рухани бай адам екенін түсіндіре отырып, салауатты өмір салтына ынталандырылды.

Оқырмандар назарына «Здоровье - ключ к успеху» кітап көрмесі ұсынылды.

        2024 жылғы 4 сәуір  күні Н.Байғанин атындағы облыстық балалар кітапханасы Сағи Жиенбаевтың, Тобық Жармағамбетовтің туғандарына 90 жыл толуына орай   «Биік тұғырдағы талант»  атты  әдеби  жәрмеңке  өткізді.

Қазақ әдебиетінде жарқырап жанған қос таланттың  шығармаларын насихаттау мақсатында өткізілген шараға С.Жиенбаев атындағы облыстық жасөспірімдер кітапханасының жасөспірімдерге қызмет көрсету бөлімі меңгерушісі Сұлтанбекова Лаура Ерікқызы, №31 орта мектептің қазақ тілі мен әдебиеті пәні мұғалімі Орынай Бижанқызы Идрисова және №52 негізгі мектептің қазақ тілі мен әдебиеті пәні мұғалімі Аққаным Әлиқызы Кенжешева қатысып қаламгерлердің өмір жолдары,  шығармашылықтары туралы терең сөз қозғады.

№31, №52 мектептің  жоғарғы класс оқушылары Т.Жармағамбетовтың  «Отамалы» шығармасынан  түйген өз ойлары  мен ондағы кейіпкерлердің іс әрекеттері жайында пікірлерін ортаға салса, «Желкен» әдеби клубының мүшелері С.Жиенбаевтың сырға толы жырларын жатқа оқыды.

Оқырмандар назарына «Биік тұғырдағы талант», «Қазақтың сыршыл ақыны» атты кітап көрмелері ұсынылды.

1 сәуір – күлкі күні.

Бүгін кітапханада  белгілі сатирик  Оспанхан Әубәкіровтың   туғанына 90 жыл толуына орай «Көнермес күлкі сыйлаған » тақырыбында   күлкі сағаты  өтті.

Шараның қонағы – Темірбек Жүргенов атындағы Ұлттық өнер академиясының 2009 жылғы түлегі, Өнер жеке мектебінің ұстазы, «Рика» телеарнасының теле жүргізушісі, Тахауи Ахтанов атындағы облыстық драма театрының актрисасы Жанна Бақыт.

         №52 негізгі орта мектебінің оқушылары жазушы  О.Әубәкіровтің шығармашылығымен танысып,  Жанна Бақытпен сұхбат құрды.

«Ақын жыры – бағдаршамы баланың» атты кітап көрмесіне библиографиялық шолу жасалды.

2024 жылғы 28 наурызда Н.Байғанин атындағы облыстық балалар кітапханасы жазушы Виталий Бианки туғанына 130 жыл толуына орай №11 мектеп оқушылары арасында «Лесные полянки Виталия Бианки»  атты кітап көрмесі жасақталып, жазушының шығармалары бойынша викторина өткізілді. Балалар  жазушының ертегілері және әңгімелерімен танысты. 

Балалар кітабының апталығының екінші күні балалар ақыны Мүбәрак Жаманбалиновтың   туғанына 100 жыл толуына орай «Балаларға балдай жыр » тақырыбында  өлеңдер  шеруі  өтті.

Шараның басты мақсаты  жас ұрпақ тәрбиесі мен балалар әдебиетін ұштастыра қараған ұстаз ақынның  өз оқырмандарын қуаныш пен шаттыққа бөлей беретін, күлдіріп, ойландыратын өлеңдерін, таңғажайып сырлы ертегілерін, жұмбақтары мен жаңылтпаштарын баланың есінде ұзақ сақтауға, ана тілі, Отан тақырыбында жазылған өлеңдері арқылы оқырмандарды ұлттық рухта тәрбиелеу.

Балалар ақын Мүбәрак Жаманбалиновтың  шығармашылығы туралы толық ақпарат алып, ақынның «Алма ағашы», «Бес саусағым», «Менің әжем», «Құлыншақ» өлеңдерін мәнерлеп оқып, «Бұл қандай құс?», «Бұл қандай әріптер?» , «Бұл қандай сандар?» жұмбақтарының жаубын тапты.

 «Ақын жыры – бағдаршамы баланың» атты кітап көрмесіне библиографиялық шолу жасалды.

2024 жылдың  27 наурыз  күні Н.Байғанин атындағы облыстық балалар  кітапханасы терроризм мен экстремизмге қарсы күрес аясында  «Теріс ағым тайғақ жолға сүйрейді» сұхбат алаңын өткізді.

Жасөспірімдерге терроризм туралы терең түсінік беру, оның түрлері, себептерімен зардаптарын ұғындыру мақсатында өткізілген шараға «Аңсар» ақпараттық талдау орталығыың теолог маманы Нұрлан Әділханұлы Асанов қатысып бейбітшілікті ту еткен дәстүрлі діни бағыттың құндылықтарын түсіндірді. Сондай-ақ сұқбат алаңында оқырмандардың сұрақтарына жауап бере отырып, қандай да бір сұрақ туындаған кезде мәліметті Қазақстанның ресми сайттарынан немесе мешіт имамдарынан алуға кеңес берді және ел тыныштығына қауіп төндірген экстремистік бағыттағы діни ағымдары өкілдерінің үгіттеуіне түсіп кетпеу жолдары қарастырылды.