Өңірімізде жас ұрпақтың рухани дамуына, кітап оқуға деген қызығушылығын арттыруға бағытталған «Оқы, ақтөбелік өренім» оқу марафонының салтанатты ашылу рәсімі өтті. Өскелең ұрпақтың кітапқа сүйіспеншілігін оятып, көркем әдебиет арқылы ой-өрісін кеңейту, ұлттық құндылықтарды насихаттауға бағытталған шараға Бәкір Тәжібаевқа арналған «Ақын жүрек» музыкалық драмасының авторы Моншақ Бекайдарқызы арнайы қонақ болып, оқырмандар мен тыңдармандарға ақынның өмірі мен шығармашылығындағы тың ақпараттармен бөлісті. Іс шара барысында Бәкір Тәжібаевтың ұлы Жасұлан Бәкірұлы арнайы түсіріп жіберген бейнематериал көрсетіліп, оқырмандарымыз ақын өлеңдерін жатқа оқыды. Және марафонды бастаушы Байғанин ауданы сөз алып қатысушыларға сәттілік тіледі, оқырмандары ақын өлеңдерін оқып, әнін шертті.

Кітап – білімнің кілті, руханияттың шамшырағы. Ендеше, барша өрендерді оқу марафонына белсенді қатысып, кітап әлемімен бірге қанат қағуға шақырамыз!